Bulag kon magromansa ang alibangbang, nagasala-sala –
Daw sa wala sia sang aputan, wala nakahibalo kon diin mauna,
O diin masugod, sang halok; ginasalalama n’ya hurikap
Ang tanan-tanan nga sinipad sang ginakalaman nga bulak.
Soneto Erotico #43
Ang bug-os ko nga kaundan may kauhaw, may panagitlon;
May pagkinam-kinam para sa imo ang akon huna-huna,
Nagalaway-laway ako kag nagapangita sang katam-is
Kag kanamiton nga ginpatilaw mo sadto sa akon.
Soneto Erotico #35
Ikaw ang akon simbahan, ang imo lawas amo ang akon katedral;
Kon magsulod ako langitnon nga nagakanta ang mga anghel;
Mabatyagan naton ang ginapaabot nga himaya – makita naton,
Masimhutan, madamilan, mabatian, mahikap, mauyatan.